O devantamiento zapatista de 1994 cambió a vida de millars de chiapanecas y tamién dio a millons de personas una nueva revolción d’a que aprender. Más de vinte anyadas dimpués, a revolución en Chiapas (Mexico) contina, no sin dificultatz.
En tot iste tiempo, l’autonomía que esfienden os zapatistas s’ha traduciu en sanidat, educación, chestión d’as tierras, … de traza muito diferent a lo rechimen pseudofeudal que teneban antes d’o 94. Por tot lo mundo han recibiu muestras d’emparo a la suya luita y cada anyada millars de personas participan en as brigadas internacionals que i van.
En Aragón, Caracol Zaragoza, ret de personas por l’autonomía zapatista, ha levau a luita suya dica muitas de nusatras. Fendo-nos conoixederas d’a realidat que bi ha, d’as suyas reivindicacions y d’os trangos entabant que han conseguiu. Tamién de cómo aplicar tot lo aprendiu d’as zapatistas a la nuestra vida cutiana. En dos horas, Tamara y Pati, miembras d’iste colectivo nos explican tot ixo y muito más.
Podcast: Reproducir en una nueva ventana | Descargar
Suscríbete: RSS
