Versión radiofonica d’o blog Tierra de barrenaus. Los lunes de 19 a 20 h. Dende 2006, comunicación en aragonés. Charramos de tot: mosica, politica, frikadas, historia, luenga … Emitir nos fará vencer.
Emisión en Directo
Todos los eventos
TIERRA DE BARRENAUS
Repeticiones
Todos los eventos
TIERRA DE BARRENAUS
|
Programa monografico sobre la educación centrando-nos en las particularidatz d’iste curso academico a on que la pasa ha feito cambiar muitas cosas, deixando atras que caldría cambiar igual. Quatre personas (Rubén, María, Fernando y Tamara) pasan por los microfonos explicando las suyas envistas como parte d’a comunidat educativa, y ubrindo a-saber-los debatz bien intresants.
Empecipia una nueva temporada de Tierra de barrenaus radio, alto u baixo de vez que empecipian los nuevos cursos d’aragonés en tot lo país. Charramos con Serchio, lo nuevo coordinador d’amostranza de Nogara, qui nos explicará cómo han rematau los cursos 19/20 y qué ofierta formativa tienen pa iste nuevo curso.En la segunda parte charramos de Alerta Roja Hacemos eventos, una iniciativa que mira de desfender los dreitos laborals d’un sector que ye patindo firme la crisi economica derivada d’a sanitaria.Antimás, tos presiento la primer canción d’o programa y ubrimos lo primer calaixo de cancions. Como siempre, mosica, cultura, país y reinvidincación, prou que sí, en aragonés.Emitir nos fará vencer!
La temporada de Tierra de barrenaus no puet rematar sin que torne Arale y Tierra de varrenadas. Nos chuntamos de nuevas pa repasar los calaixos de cancions que han iu sonando en ista temporada y trigar-ne las tres zagueras, d’os calaixos de “Antes mas”, “blasfema” y “versión”.
Lo naiximiento de l’aragonés, la suya evolución como luenga d’o reino y una d’as d’a Corona d’Aragón, y l’empecipie d’a suya decadencia y sustitución por lo castellano centran la entrevista d’a primer parte d’o programa. Guillermo Tomás Faci nos presienta lo suyo libro “El aragonés medieval. Lengua y estado en el reino de Aragón”, publicau por Prensas Universitarias de Zaragoza.En la segunda parte d’o programa charramos con Chuserra, una d’as personas que ye empentando Ninogara, la iniciativa comunicativa de Nogara enfilada pa familias, a on que se fa partache de contenius y materials pa la educación d’a cachimalla en aragonés.Tendremos tamién una nueva “Canción d’Antes mas” que quitamos d’o calaixo de cancions y un nuevo tema d’una colla que ye grabando disco.
En la primer parte d’o programa charramos d’o nuevo libro de Brian Mott “Nuevas voces de Aragón” a on que femos un viache por diferents testimonios orals de l’aragonés y lo catalán replegaus entre 1968 y 2018. Juan Pablo Martínez, miembro d’a editorial Transiberiano, que lo ha publicau, nos presienta ista obra a on que se reflexa la riqueza lingüistica y lo patrimonio que tenemos en lo país.En la segunda parte nos quedamos en Acumuer, un lugar de l’Alta Galliguera a on que l’albergue ha tornau a ubrir las suyas puertas gracias a la iniciativa de tres chovens. Ana, una d’ellas, nos convida a fer una gambada por una val prou desconoixida pa la mayoría, en un entorno pleno de cultura y paisache.Y antimás una nueva canción que reivindica la sanidat publica y una nueva versión pa lo calaixo de cancions d’un clasico d’o País Valenciano.
Recuperando la normalidat plegamos en lo programa vinteno d’a temporada. Torna ta Tierra de barrenaus, lo rapero Krevi solenco pa presentar lo suyo nuevo disco Os Chardins de Shalimar, cantau de tot en aragonés con bella colaboración en catalán y euskera. Antimás, un nuevo relato ambientau en lo tiempo d’o confinamiento. En la parte mosical, una nueva “canción blasfema” y una banda bien buena pero que no ye guaire conoixida por aquí.
Ya practicament plegando en la nueva normalidat plega un nuevo Tierra de barrenaus feito de conchunta con la chent que ascuitatz lo programa. Elena, Dabi, Fer y Tamara proposan quatre temas mosicals bien diferents. Quanto a los textos, en iste programa tendremos traduccions de Isaac Rosa, Eduardo Galeano, Elena Álvarez y Dulce Chacón. Un programa pa desescalar-nos como cal, y pasando un buen rato en aragonés
Dende Zaragoza femos un viache coronavirico por atros puestos pa compartir las experiencias d’o viviu istos dias. Chorche parlará dende Barcelona, Armando dende Segovia, Chuserra dende Ondarroa y Elena de Montalbán, pa conoixer las realidatz arredol d’o periodismo, l’amostranza, lo mundo rural, lo sector agroganadero, l’embarazo y las situacions politicas en Castiella, Euskal Herria y Catalunya.
Nuevo programa grabau en confinamiento a on que alterno lectura de textos y las recomendacions mosicals que hetz ninviau beluna d’as personas que sentitz lo programa. Igual como l’anterior, muita variedat y orichinalidat.
