Versión radiofonica d’o blog Tierra de barrenaus. Los lunes de 19 a 20 h. Dende 2006, comunicación en aragonés. Charramos de tot: mosica, politica, frikadas, historia, luenga … Emitir nos fará vencer.
Emisión en Directo
Todos los eventos
TIERRA DE BARRENAUS
Repeticiones
Todos los eventos
TIERRA DE BARRENAUS
|
Rematamos a primer temporada de Tierra de barrenaus Radio con un programa mosical. Con Ruben, Dabi y Guindilla de convidaus, compartiemos mosicas y temazos y nos faciemos buenas risas. Ya puetz leyer a entrada que facié en o blog: http://barrenau.blogspot.com.es/2015/09/temazos-tierra-de-barrenaus-radio-1×06.html y ascuitar o programa!
Cinqueno programa de Tierra de barrenaus, an que charremos con tres chovens que habioron de marchar a mirar treballo bien luen. Recontando as suyas experiencias, anecdotas y opinions. Emitiu por primer vegada en agosto de 2015
Quarto programa de Tierra de barrenaus, sobre locals aragonesistas. Charramos con bella persona d’a que empentoron y organizoron puestos de trobada ta l’aragonesismo como as dos Espelungas, a penya Borina, Dipierta Fierro, Casa Lambrote, A Enrestida y os dos locals que tenió Chobenalla Aragonesista en Uesca y en Zaragoza
Tercer de Tierra de barrenaus radio, a versión radiofonica d’o blog Tierra de barrenaus (barrenau.blogspot.com), adedicau a tres festivals de verano. Con Dabi, Cherardo, Carlos y Tamara charrremos d’o festival Viñarock, gran borina que se fa en Villarobledo (Albacete, Castiella) arredol d’o 1 de mayo. Continemos charrrando d’o PIR, festival de mosica y cultura pirinenca que se celebra a primers de chulio en o Viello Aragón. Rematemos con a presencia de Laura y Armando, qui nos charroron de Esfendemos a tierra, festival que se fa a metat de chulio en Artieda. O programa s’emitió por primer vez en Radio Topo, 101.8 FM zaragozana, o 4 de chunyo de 2015.
O devantamiento zapatista de 1994 cambió a vida de millars de chiapanecas y tamién dio a millons de personas una nueva revolción d’a que aprender. Más de vinte anyadas dimpués, a revolución en Chiapas (Mexico) contina, no sin dificultatz. En tot iste tiempo, l’autonomía que esfienden os zapatistas s’ha traduciu en sanidat, educación, chestión d’as tierras, … de traza muito diferent a lo rechimen pseudofeudal que teneban antes d’o 94. Por tot lo mundo han recibiu muestras d’emparo a la suya luita y cada anyada millars de personas participan en as brigadas internacionals que i van. En Aragón, Caracol Zaragoza, ret de personas por l’autonomía zapatista, ha levau a luita suya dica muitas de nusatras. Fendo-nos conoixederas d’a realidat que bi ha, d’as suyas reivindicacions y d’os trangos entabant que han conseguiu. Tamién de cómo aplicar tot lo aprendiu d’as zapatistas a la nuestra vida cutiana. En dos horas, Tamara
Ha tardau una mica pero ya ye aquí Tierra de barrenaus Radio! Como no podría estar d’atra traza, a versión radiofonica d’un blog en aragonés escomencipia charrando con atros autors de blogs en aragonés. Roberto Mensachero (Tierras olbidatas), Santi Paricio (O chemeco d’as parolas), Marco Joven (Estricalla) y Barrenau (Tierra de barrenaus) nos estiemos dos horas charrando d’os blogs que femos u febanos y d’os que leyemos u leyebanos. Fendo alcordanza, antimás, d’os anyos a on que os blogs en aragonés lo petaban y surtiban por tot como fungos. Y prou que sí, d’as dos trobadas de fabloggers. Tamién charremos con qui estió o pioner d’os blogs y as webs en aragonés, Chorche Romance, autor entre atras muitas cosas de Purnas.com y periodista profesional. De fablogs quasi no en queda, y os que bi ha han cambiau muito dende aquellas anyadas. Manimenos isto no ha significau que internet charre menos
fendoorella,4f,ciclonudista,yesano,antifa,barrenau
