Categoría: Fendo Orella

L’actualidat d’ista semana nos leva sin garra dubda ta València, represion como conseqüencia directa d’a crisi capitalista. Con un convidau veniu d’istas tierras femos tranya en a realidat valenciana y en como, a tamas d’a manipolacion informativa, a ciudat ha revellau d’a man d’os estudiants de l’IES Lluís Vives. Y en rematar a rufierta, as noticias que tenebanos paradas por envasador: zaragozanas demandan a disolucion d’a UAPO a traviés d’un blog, o dia d’a Luenga Materna se celebra con l’aragones en risgo d’acotole y se cumplen 12 anyos sin Chuana Coscojuela, escritora aragonesa autora d’o best seller en aragones A Lueca. Tornemos a ascuitar Esne Beltza, ista vegada ta presentar o nuevo treballo suyo clamau 3 Kolpetan. Sono tamien Keny Arkana y rematemos con a canta AUAB de Los Olvidados de la Morgue, mas d’actualidat que no nunca, traducida a l’aragones.

Mosica tant esferent como Lucho Bermúdez, Esne Beltza, Gen, María del Mar Bonet u Kreator nos fació honra ta charrar-tos, en os sixanta minutetz d’o programa, de temas tant esferents como a Lei SOPA y a cultura libre a traviés de Magofermin, d’o 35 cabo d’anyo d’os advogaus d’Atocha, d’a transición, d’a fin d’a edición en paper de Les Noticies, d’o festival Sandino Rock 2012 y d’o venient referendum independentista en Escocia. Rematemos con a canta traducida a l’aragonés, ista vegada en estió una d’a colla alemana Kreator.

Programa especial gravau t’o Maratón de Radios Libres asturianas que se fa iste cabo de semana en Radio QK d’Ovieu. Queriemos fer-ie parte ta refirmar a os companyers d’Asturies, y lo hemos feito recentado a historia d’as Radios Libres en a nuestra ciudat y a situación a ran nacional a día de huei. Mosicalment faciemos un intercambio, teniemos sonando a os aragoneses Prau y una canta en asturiano d’Ixo Rai como curiosidat, y d’atra mán, a os asturianos Soncai System y una canta traducida de Los Berrones ta rematar o programa. Una semana más hemos de demandar-tos sincusas por una error tecnica, a gravación d’o programa sona prou saturada.

Segundo programa de 2012 que prencipiemos con una cronica dende adintro d’a manifestacion “Kolosala” d’o pasau dia 7 en Bilbao por bells asistents, leyemos una carta publicada en meyos dichitals alternativos endrezada ta Manuel Fraga Iribarne (Ybarra Iribarne como diz l’autor d’a carta) y no nos ixublidemos d’os 11 d’o Tellau d’o CSO Kike Mur que prencipian un campanya de movilizacions por a ciudat. En a zaguer meya horeta gritemos a dos mayestros d’aragones ta conoixer una mica millor l’amostranza d’ista luenga, la uno d’o CRA de L’Ainsa y l’atro d’a Casa de Choventut Universidat de Zaragoza. Mosicalment presentemos a colla Xutik y o suyo disco Mukaki Zpirit y ta rematar o programa, como por un regular, una canta traducida, ista semana Alternativa Platino d’os madrilenyos Habeas Corpus. Por una error tecnica nuestra mancan os zaguers minutos d’o programa, con a despedida y a canta traducida a l’aragones, tos demandamos