Categoría: Fendo Orella

Encetemos o programa con istas parolas d’a colla Desechos “A vida ye dura, pero nusatr@s en somos mas” Con a faina de plenar una hora de programa nos trobemos en l’estudeo de Radio Topo dos personas (gracias a o Sinyor Degenerat por venir-se-ne), armaus con solo que dos luengas y un disco, ferramientas que nos facion honra ta fer un repaso a bells temas d’actualidat d’ista semana. O disco que nos trayemos y sono entre tot o programa yera o treballo d’At Versaris i Asstrio Per principis elegants, un sobrebueno mezclallo d’as rimas y letras esmoladas d’o Hip Hop con a espontaneidat y rasmia d’o Jazz en directo. L’actualidat paso por a Trobada de gaiters de Massalió d’o pasau cabo de semana, a mas important de tot Aragon; a entrevista telefonica a un miembro d’a organizacion d’a chornada en esfensa d’o Xalon y contra l’entibo de Mularroya, que se desembolicara

Con unas parolas de Bertolt Brecht encetemos iste segundo programa de mayo. Encara que tenebanos prous noticias paradas, como diciemos en o sumario, a la fin no nos vago que de leyer-ne dos. La una sobre o succesos d’o desaloixo ilegal d’a Universitat Lliure La Rimaia en Barcelona y l’atra, a manifestacion mundial d’o sabado 12M. Remerar que Radio Topo 101.8 FM fera un seguimiento de tot o que pase en a nuestra ciudat ixe dia dende as 15.00 horas. A resta d’o programa nos lo fotiemos de charradeta. Con un vinilo de Los Granadians baixo o brazo apareixio Diego de l’Asociacion Black & White en o programa ta presentar-nos-lo, ascuitar-lo y convidar-nos a concierto que feran iste cabo de semana chunto a The Magnetophones. Pero sin garra dubda o plato fuerte d’o programa estio a trucada telefonica a Francesc Ribera, concellero d’as CUP en o Concello Berga, responsable d’a

Con uns versos de Violeta Parra que charran de libertat, encetemos o programa y o mes. En pasar l’1 de mayo con as tradicionals manifestacions obreras y l’exito d’o socalce de Radio Topo 101.8 FM, faciemos una breu cronica y mas que mas, agradeixer a la collas que i tanyon y toda a chent que se i paso, porque gracias a actividatz como ista ye posible l’autochestion d’ista radio. Un poquet de l’actualidat d’a semana, por cojones y como si d’un paseo militar se tractase, se fico en o programa a visita de l’ilustre ministro Cañete y as anunciadas inversions tocants a o malfurrie de diners que suposa o Pacto de l’Augua. Conoixebanos a Zarrakatralla Folk por a suya nominacion en os zaguers Premios de la Música aragonesa, pero nunca no los hebanos visto. Actuon o pasau viernes en Zaragoza adintro d’as Chornadas d’as Luengas d’Aragon, los i viyemos y

Con a uellada en o chueves venient, yera de dar que tractasenos a Vada Cheneral d’o 29M como tema central d’o programa. L’atro tema que imple os meyos espanyols istos dias ye La Pepa, dilla de l’espanyolismo d’istas noticias trayemos l’anvista que sobre ella tienen os companyers andaluces de JIRA. Encetemos iste Fendo Orella con uns versos d’Anchel Conte y una breu charradeta d’impresions d’as pasadas Fallas, lo rematemos con una canta traducida de Puagh. Sono mientres tot o programa El disc de la música en valencià vol. 6 d’Escola Valenciana. Remerar que o chueves venient somos de vada y no feremos programa. Podetz sintonizar o 101.8 FM u visitar ista web ta informar-tos con a cobertura especial que feremos de conchunta con o Centro de Medias.

Que delito ye o furto d’un banco comparau con o feito de fundar-ne un? Con istas parolas de l’anarquista de Cascant Lucio Urtubia encetemos o programa, acompanyaus ista vegada por dos convidaus complegaus de mundos esferents, como gosa dicir-se la uno d’a branca de sciencias y l’atro de letras, totz dos responsables de que l’aragones faiga tranya en o mundo d’as nuevas tecnolochias. Nos fotiemos tot o programa charrando con ells d’o traductor y corrector d’aragones que han desembolicau, de ferramientas libres y d’as nuevas posibilidatz que s’ubren ta l’aragones con istas tecnolochias. Mosicalment ascuitemos a os valencians Aspencat, que han quitau un nuevo treballo clamau Inèdit y que tos presentaremos mas enta debant. Nos despidiemos con una canta traducida de La Polla Records.