Categoría: Fendo Orella

Primer programa d’ista temporada 2012/13 do aproveitemos ta fer un repaso a o verano, a os pasaus pilars y a os succesos d’as zaguers expropiacions en Artieda. A mosica que sintiemos en ista devantadera estio de Prau, Kase.O Jazz Magnetism, Mil Motivos y Interlude, de qui traduciemos a suya canta El valor de otra ocasión perdida. Como yera de dar, presentemos as nuevas seccions, nuevos colaboradors, a nueva sintonia que feremos servir d’aqui enta debant y o nuevo horario. Remera que os lunes a las 22 horas en Radio Topo 101.8 FM tiens una cita con nusatras.

Parola-palabra-paraulas ta prencipiar o zaguer Fendo Orella d’ista temporada 2011/12. Con a honor de que una antiga y conoixida voz d’o programa nos acompanyase en ista despedida, teniemos un programa prou rufiertero do charremos de milenta temas y tot o que nos agano y quanto nos agano. Con tot y con ixo nos vago de fer un balanz d’ista temporada y presentar o festival Artieda 2012 – Esfendemos a Tierra. Mosicalment ascuitemos una canta de Lendakaris Muertos y a resta d’o programa Esne Beltza, t’acompanyar a entrevista que tenebanos parada a o suyo cantaire Xabi Solano ta despedir ista temporada, pero por cosas d’o directo no podiemos contactar con ell y nos quedo una aceta sabor… Rematemos traducindo a canta de Raimundo Amador Ay que gustito pa’ mis orejas porque nos fa muit content@s que nos sintatz por as vuestras orellas! A imachen d’alto ye d’a chera de Sant Chuan

Con o buen orache, nos pillemos a bici y nos trobemos con un mensachero de “Borraja a Piñón” que vinió a charrar-nos d’iste nuevo prochecto d’ecomensachería en bicicleta. Tamién tos charremos, aprofitando a enchaquia bicicletera, d’a dotzena edición d’a tradicional Ciclonudista que se fa iste sabado. Quan nos cansemos de pedaleyar, presentemos o nuevo disco d’a banda de hardcore zaragozana Interlude, “A la deriva“; fablemos d’o quarteno cabo d’anyo d’a Expo de Zaragoza, d’a cada vegada pior situación d’o catalán en as Balears y presentemos a XXV Semana Cultural d’a Madalena que prencipia hue con arrienda d’actividatz. Rematemos o programa con a canta traducida, en ista ocasión de rabiosa actualidat, “Asturies arde”, d’Escuela de Odio.

Ta prencipiar o Fendo Orella mas punk que nunca no hebanos feito, lo faciemos con unas parolas d’os miticos Animales Muertos. Deixamos de costau por un dia l’actualidat ta fer un programa mosical de tot, un especial de repaso a la mosica hc/punk cantada en catalan dende huei ent’as primers collas d’a scena. Con un convidau de luixo, Jaume de Ciutat Podrida (martes de 19 a 21 en Radio Topo 101.8 FM), que s’heba parau iste programa de propio esforigando en a suya discografia y que nos pleno l’estudio de vinilos, cd’s y cassettes. Contino tenetz o tracklist de tot o que sono en o programa y, como no podeba estar d’atra traza, rematemos traducindo a canta que da nombre a programa d’o nuestro convidau Ciutat Podrida de La Banda Trapera del Río. – CRANC “Anys 90″ (Maqueta, CD) – TRALLA “No t’esperem” (demo 2012, CDr) – THE ANTI-PATIKS “Mauthausen

Con una frase sobre a utopia que atribuyimos a o Che Guevara, pero que resulta que be d’estar d’Eduardo Galeano, prencipiemos o progama d’ahier. Zaguer programa de mayo, y con a calor que yera fendo no querebanos estar guaire cans@s, asinas que nos salio un programa mas mosical que no gosa estar-ne. Repaso breu a l’actualidat con o comunicau de l’AMPA Sainz de Baranda, un articlo de Miguel Solana sobre o Pacto de l’Augua, a campanya d’Obcheccion Fiscal a l’IRPF 2012 y a XXV Marcha contra o Poligono d’as Bardenas, con l’homenache en alcordanza a Gladys del Estal. Como decibanos, mosiqueta buena y variada con Dr Ring Ding, Governors, Prau, El Corazon del Sapo y, ta rematar, Los Ramones con a canta traducida a l’aragones The KKK took my baby away

Con unas parolas de Malcolm X sobre amostranza, tema tant important y tant d’actualidat en zaguerias, encetemos o programa. Prencipiemos con un poquet de l’actualidat d’ista semana, tractemos os d’os temas que ta nusatr@s son estaus os mas importants. La uno a vada de l’amostranza publica d’o pasau 22M, con una anvista dende adintro das movilizacions y l’atro, as recients dimisions en o Consello Superior d’as Luengas d’Aragon. Contino a l’actualidat charremos via mobil con Rafa, d’a colla valenciana Atzembla. Una entrevista que tenebanos pendient dende fa tiempo a una choven colla mosical que ya tos hebanos recomendau en bell programa anterior. Mosicalment presentemos l’abanz d’o nuevo treballo de Cesk Freixas, ascuitemos a canta Canço per l’abril d’o disco que se clamara Tocats pel Foc. Nos acompanyo mientres tot o programa Fermín Muguruza con o suyo Asthmatic Lion Sound Systema y prou que si, sono Atzembla con Arrels. Nos despidiemos