Categoría: Fendo Orella

A casualidat querio que tenesenos a honor de despedir l’anyo 2012, chusto en a muga antes d’o vinteno cabo d’anyo de Radio Topo. Encetemos o 2012 con una sabor aceta porque l’especial que hebanos gravau ta ista enchaquia, por culpa d’os folletz tecnolochicos, a la fin no podio emitir-se. Aqui tos deixamos con o podcast ta que lo ascuitetz y tos ne ridatz, que ye d’o que se tracta: Fendo Orella se llena de orgullo y satisfacción en estar o zaguer programa de Radio Topo de l’anyo. Toda una honor despedir o 2012 con l’especiaaaaaal cabo d’anyooooo que somos guisando, con bien d’ingredients y bien barrachaus: sobre o nadal en Aragon, concurso, tronca de nadal, noticias absurdas, interpretacions penibles, villancicos, alicatadas, viaches t’o caribe, campanadas… y igual como siempre, de raso en aragones. Y como que no queremos descuidar a mosica en ista enchaquia tant sinyalera, punchando soque en vinilo

Deceno programa d’ista temporada 2012/13 en a semana que se fan 421 anyadas d’a decapitacion de Juan de Lanuza, un represant d’o colectivo Universidat nos informa d’as actividatz que han organizau ta remerar ista calendata tant fosca t’as aragonesas. Y con ell nos quedemos a resta d’o programa ta fer un repaso a l’actualidat d’istos diyas, con especial ficacio en a manifestacion “Inundemos la CHE” d’o sabado. Mosica d’os castellans Diablo Cojuelo, abanz d’o suyo nuevo treballo que busca financiacion a travies de crowfunding, y d’una colla que nos ha feito muito goi trobar-nos,  en aragones O cauz de Camille. A canta traducida, a zaguera d’iste 2012, Je me barre de Keny Arkana. O lunes 24 no feremos programa ta que podatz cenar tranquilas con a familia, pero talment o diya 31 tiengatz una sorpreseta…

Nueno programa d’ista temporada 2012/13 A truca d’as voces que por un regular femos o programa, en teniemos dos nuevas de dos convidaus. O primer d’ells Raul, un choven d’Artieda que nos reconta como son as cosas por o suyo lugar y nos convida a la manifestacion contra l’entibo de Yesa d’iste sabado 15 d’aviento en Zaragoza; y o segundo, l’ilustre con qui femos a parola cada mes en Chapurriando con Tio Vadillo. L’aragones estio present fa bellas semanas en o programa Do de llengües de Catalunya Ràdio. Una breu falca d’alto u baixo 5 minutetz, pero que en son prous ta conoixer a nuestra luenga. Ta barallar a fredor de l’hibierno, rematemos con una canta calienteta de Marcia Griffiths traducida a l’aragones. Remera que o lunes venient a las 22 horas en Radio Topo 101.8 FM tornamos con un nuevo programa, pero antes nos viyemos en a manifestacion Inundemos la

Uiteno programa d’ista temporada 2012/13 Quasi sin tiempo ta descansar-nos y encara escamallaus mentalment por a emision d’estrela a estrela (2) d’o pasau sabado, teniemos un programa mas difuso que por un regular con muitas risas y fateras. Prencipiemos deixando as nuestras impresions chenerals sobre as 15 horas d’emision de tot en aragones que se facio en Radio Topo o pasau sabado. D’estrela a estrela (2) estio un exito de tot, norabuena a totz y todas as participants! Feba un mes que no tenebanos a Barrenau en o programa y nos trayo tot o que heba replegau mientres iste tiempo d’o cristianamen, entre o facherio y o bizarrismo. Una seccion muit treballada acompanyada por una canta d’Il Cuesco. Mosiqueta variada en tot o programa, tot pepinos cullius de l’hortal como lo definio o companyero. Y ta rematar un programa como iste yera menester traducir una canta canyera, en traduciemos Salgo

Seteno programa d’ista temporada 2012/13 Fendo honor a o nuestro nombre, nos fotiemos quasi de raso o programa fendo orella a o canto de l’auricular d’o telefono. A primer gritada nos la facio a nuestra corresponsal en Bolivia, en directo de tot, ta charrar-nos por alto d’a reyalidat social que se i ye trobando. Una voz d’o programa que trobabanos a faltar, pero que sono luen luen como ye ixe continent… A segunda gritada le’n faciemos nusatras a o periodista Chorche Romance, qui nos aduyo a analisar os resultaus d’as pasadas eleccions catalanas, mas que mas con l’anvista mesa en l’apareixion d’as CUP. Y charrando d’as CUP, o nuestro companyer facio a devantadera d’una nueva seccion mensual presentando dos libros que nos charran d’ellas. A seccion levara por titol ‘O mirallo de papel’ y nos amanara t’o programa libros y atras publicacions escritas. Y con a canta Antisocial d’Anthrax traducida

Seiseno programa d’ista temporada 2012/13 Be d’estar que un follet se nos fico en l’estudeo con ganas de fer a tana, porque d’errors tecnicas en teniemos un burguil…. Con tot y con ixo faciemos un repaso a l’actualidat d’ista semana -que veniba bien preta- charrando d’a #vada14N, a manifestacion antifaixista u o chenocidio contra o pueblo Palestino. A medolla d’o programa estio un intresant debat que ofreixio, gracias a Chuse y Gomin, una anvista critica sobre os matrimonios de personas d’o mesmo sexo. A despedida dica a semana venient, ista vegada a mans d’EH Sukarra y a canta suya Lau Teilatu traducida a l’aragones. Remera que o lunes venient a las 22 horas en Radio Topo 101.8 FM tornamos con un nuevo programa. A plantar fuerte!

Cinqueno programa d’ista temporada 2012/13 a on que clamemos a la #vada14 con a parola y a mosica. Con a parola nos n’imos dica Echipto ta conoixer a primer vada d’a historia y informemos d’a cobertura que se fera dende Radio Topo 101.8 FM.  Con a mosica lo femos con bellas versions d’a canta A la huelga… Remeremos tamien que  contina o Noviembre Antifaixista con a-saber-lo d’actividatz y que o sabado a las 18.00h prencipiara a Manifestacion Antifaixista en a plaza Reina Sofia (vico de Sant Chuse) Vada, antifaixismo… todas t’a carrera! Contra a suya voluntat, y encara si saber guaire bien por que, torno a pasar-se por a emisora ixa personalidat que fa a seccion Chapurriando con Tio Vadillo. Ta despedir-nos, de nusatras enta a chent d’Artieda que contina resistindo a tamas de tot, L’últim Combat d’Obrint Pas traducida a l’aragones. Remera que o lunes venient a las 22

Quarteno programa d’ista temporada 2012/13 Encara que deixemos as convocatorias t’a fin d’o programa, remerar-tos que ya ye prencipiau o Noviembre Antifaixista 2012 y que iste sabado 10 en Artieda bi ha una chornada por a dignidat d’a montanya y homenache a os lugars afectaus por entibos. O tema central d’o programa lo pleno Gloria, concellera en Marinaleda, con una entrevista telefonica do nos dio treslau d’a realidat d’iste lugar andaluz. Engueremos una nueva seccion a mans de l’autor d’o blog Tierra de Barrenaus que nos visitara mensualment. En ista devantadera tracto d’os temas prou curiosos, la uno sobre os fusos horarios y l’atro sobre o sinyal d’os independentistas sicilianos. Mosicalment, prencipiemos o programa presentando y sentindo l’abanz d’o nuevo treballo d’El Drogas, quatro cantas quitadas d’o suyo venient disco en solitario. Sonon antimas Monaguillos sin Fronteras y, un programa mas Atzembla, ista vegada con a sincusa que dende huei