Categoría: Fendo Orella

Prencipiemos o programa d’una traza una mica especial, y ye que a colla valenciana Obrint Pas deixan o suyo prochecto de traza indefinida y queriemos alcordar-nos-ne. Faciemos un repaso a l’actualidat, centrau en as declaracions d’a Delegada d’o Gubierno en Madrit, Cristina Cifuentes que relacionaba a la PAH con ETA y pleguemos a la conclusión de que tot ye ETA. Tamién charremos d’a manifestación d’a Marea Azula en esfensa d’os nuestros ríos o pasau sabado. Tamién tos recentemos bells conciertos d’o cabo de semana pasau, os dos en a sala zaragozana Arrebato. O concierto de Mil Motivos y Switch Over ta rematar o prochecto “Cuando el Ebro suena… disidencia lleva” y o concierto de presentación d’o primer disco d’a veterana banda punk zaragozana KBKS (Karrero Blanko Kampeón de Salto) que tanyoron chunto a la colla femenina noruega de punk-grunge-garage Lucky Malice. En l’aspecto mas purament cultural tos charremos d’a opera

En iste zaguer programa, amás de trayer-tos l’actualidat d’a semana, Barrenau nos contó bellas curiosidatz sobre José María Bergoglio, recientement esleixiu Papa por a Ilesia Catolica. Tamién tos charremos d’a nueva normativa que obliga a las ciclistas urbanas a circular con o casco y tos convidemos a una borina que se celebrará iste viernes en a sala Arrebato ta celebrar o punto y final d’o “Cuando el Ebro Suena… disidencia lleva” que remata con a donación d’a recaudación ta l’A.V.V. Arrebato y Radio Topo. Podiemos ascuitar a canta que a colla de rap Huellas de Barro gravó t’o Cuando el Ebro suena… y ta despedir-nos traduciemos a canta Escapando d’a colla archentina RDA Rapsodia.

Fendo orella meets Tio Vadillo again. Faciemos un repaso a l’actualidat y a las noticias d’o cabo de semana: socalce y plantero de arbols en o Parque Bruil, II Trobada de o Libro anarquista en Zaragoza ta iste cabo de semana venient en o CSO Kike Mur, y mas desafucios en Chaca que salda con un hombre en l’hespital de Uesca. Tamién repasemos a situacion actual de l’entibo de Yesa y o suyo refús. Presentemos o zaguer treballo de Habeas Corpus “20 años de Rabia, 20 años de sueños”, que conta con colaboracions como Xune de Dixebra, Jaume companyer de Ciutat Podrida, Fermín Muguruza dentre altros, asinas dica bellas 30. Iste lunes teniemos altra vez mas en o nuestro cado de as ondas hertzianas, como siempre un placer ta nusatras, a o quiesto Tío Vadillo que nos recentó as suyas inquietutz en o tocant a temas d’actualidat como Venezuela, Cincomarzada,

En iste programa una parte  d’os nuestros companyers se’n fue t’os XIV Premios d’a mosica aragonesa ta dar-nos-ne treslau en o programa sobre o sucediu astí. Tos charremos d’atra gala, ista d’os Premios Goya, y tamién d’un articlo sobre indiferencia. Nos ne fuemos enta l’actualidat d’ista pasada semana, con as movilizacions d’a PAH, novedatz y actividatz de Radio Topo y de nuevas tos charremos de Yesa. Barrenau nos trahió en a suya sección aimors homosexuals en os comics, y de convocatorias, tos ne faciemos alcordanza d’a venient movilización d’o 23F y a posible cobertura d’a mesma por parte de Radio Topo. Ta rematar, a canta traducida, “Chaos”, d’a colla zaragozana Noise & Oi! en remeranza d’uns feitos acayeixius en o bar d’o mesmo nombre d’a carrera Heroísmo un 15 de febrero de 2003. Tornaremos t’as ondas a venient semana, o lunes de 22 a 23 h. en Radio Topo, 101.8

L’actualidat d’ista semana nos empentaba a charrar una vegada mas de Yesa y d’os chabisques d’o PP, pero tamien de cierzo y sinyals, de toros y ILPs, de Santiago Lanzuela y Ada Colau, de represion y carnavals, d’o Papa y asinas-asinas. Con iste fosco present no se si as mias companyeras heban dimitiu como Benedet XVI u se’n yeran idas t’a suya amada Cuba… A ran mosical, presentacion de Tocats pel foc, o zaguer disco d’o cantautor catalan Cesk Freixas. Sono o disco suyo de raso, chunto con bellas cantas d’os canarios Oi! se arma y os aragoneses Animales Muertos. Ta rematar una viella canta traducida que ye mas d’actualidat que no nunca, semos Agua Bendita y queremos que el Papa dimita. O lunes venient remera ascuitar-nos en Radio Topo de 22 a 23 h. en o 101.8 d’a FM zaragozana.

Tornó t’o programa Tío Vadillo, d’una traza una mica inasperada y sorprendent, estando-se tot o preograma ista vegada, con qui charremos de l’actualidat y de tot o que caleba. Tos presentemos o nuevo disco d’a veterana banda zaragozana Sick Brains que se diz “Círculo de guerra” que presentarán iste viernes en Zaragoza. Tos charremos d’una iniciativa ta prebar d’evitar a deuda ilechitima d’o Concello de Zaragoza, asinas como atra iniciativa de l’asociación Creamos que demanda donar boligrafos gastaus en esquimen d’a población de Cochabamba en Bolivia. Tos presentemos a nueva edición d’o ya clasico Febrero Feminista que prencipió a semana pasada y tos charremos d’a historia y personaches que n’i hai en o carnaval de Bielsa, que ye iste cabo de semana, y que tanto a iste como a os actos d’o Febrero Feminista tos animamos a ir-ie. Nos despidiemos con una canta traducida de Calle 13. O lunes venient

En o zaguer programa de chinero teniemos un programa muit mosical y cultural. A semana pasada tos presentemos “No Fear” o zaguer disco d’a colla de rap catalana y en catalán At Versaris con qui charremos en una entrevista a traviés de Pau Llonch, miembro d’a colla. Tamién en l’aspecto mosical, tos presentemos o nuevo disco de Def con Dos “España es idiota” metendo-tos a canta d’o mesmo nombre, y recentemos os conciertos que o pasau cabo de semana dioron La Gran Orquesta Republicana en o nuestro país, en Zaragoza y Uesca. Tornó a nuestra sección “O mirallo de papel” a on se charró d’a editorial Hiru y a obra de teatro que recientment pasó por Zaragoza “Marx en el Soho”. Y nos despediemos d’un programa en que no nos cullió tot o que querebanos esclatando-tos os oyius con a canta traducida, “Analysis Paralysis” de Napalm Death. A semana venient

Continamos esnavesando iste mes de chinero con un nuevo Fendo Orella an que charremos d’as zaguers noticias que han pasau istos diyas. Tos presentemos tamién una nueva canta d’At Versaris asinas como lo nuevo disco d’una colla archentina que se diz RDA que tos podetz baixar dende aquí: http://www.facebook.com/l/HAQGNdk17AQH_BL6ZVQ8aybHUs3-QBuoEWfeLs2gswUUG7w/www.mediafire.com/?or9eh5gpjdh1fc8 Barrenau en a suya sección nos charró de l’apostasía, d’os tramites que s’amenistan ta fer-la y d’a suya experiencia ta aconseguir deixar o club d’a fe en Cristo. Y con a traducción d’una canta de Riot Propaganda podiemos ir en paz. A semana venient, si Dios en quiere, más.