Categoría: Fendo Orella

Ahiere estió o nuestro zaguer programa d’a temporada y teniemos a honor de tener a Tío Vadillo con nusatros con qui faciemos un chicot repaso d’a temporada y o sucediu. Tamién charremos d’o prencipio d’a XXVI Semana Cultural d’a Madalena y de leyendas aragonesas y os suyos personaches, y ta que practiquetz una mica mas l’aragonés, bells refrans chistavins. Tos comentemos o concurset ta que ganetz una dentrada t’o concierto de Fermín Muguruza d’iste sabado en Tudela, con dos dentradas en chuego. Hetz de fer un comentario en o blog de Fendo Orella metendo-ie bell enlaz a bella canta de Fermín Muguruza, y os dos primers, las ganarán. Y antiparti, se despidió atro d’os nuestros companyers y lo fació con a canta traducida a l’aragonés “La vida sense tu” d’Obrint Pas. Dimpués d’o verano asperamos trobar-nos a l’atro costau d’as ondas libres, en Radio Topo, 101.8 FM Zaragoza!

A tamás de que se nos atragantó a parte tecnica d’o programa, teniemos una entrevista con una responsable d’o venient Nafarroa Oinez que se ferá a l’atro canto d’a muga, en Tutera/Tudela, y tamién promotora d’o concierto d’o venient 22 de chunio en a mesma localidat nabarra de Fermín Muguruza, Zuloak y Las Culebras en refirme a o mesmo. Tamién tos charremos de tristas noticias d’a futura expulsión d’un immigrant en Zaragoza y d’a detención y agresión a dos mas por parte d’a UAPO. Tamién tos charremos d’as movilizacions contra a “Troika”, o porqué tenemos iste orache tan barrenau, comentando-tos que ya somos en bell medio d’o cambeo climatico y as furas conseqüencias que puede tener. A livel de luengas d’Aragón, tos leyemos a “II Declaración de Mequinenza” que han acordau alcaldes de municipios catalanofablants en Aragón en defensa d’a suya luenga y contra a lei de no luengas, asinas

O cabo de semana nos ne fuemos de cursa con a bici y tamien t’o Pirineu a tanyer o chicotén. Charremos de Yesa y a esferra ambiental que se i ye fendo, y d’a zaguera vada educativa. Tos recentemos de a on vien o chiflo, ixe viello instrumento, y como se ha alzau dica os nuestros diyas. Nos acompañó un viello conoixiu d’o programa, que nos presentó lo zaguer treballo de Aspencat “essència”, una colla que fa servir a electronica y de vez a laud, cantando en valenciano (catalán). En a zaguer enchaquia de sentir a sección “o mirallo de paper” ista temporada, o nuestro companyer nos recentó interesants treballos editorials: “Os nacionalismos en l’estau espanyol y a cucha”, l’anarquisme en Catalunya, Marx contra o patriarcau en castellano, historia d’a organizacion Terra Lliure y “Bienvenidos a tiempos interesantes” de Zizek. Rematemos remerando a Mas Birras, con a canta “Cass a

O zaguer programa vinió calient charrando de l’aumento d’a represión policial en as zagueras semanas en Aragón y a resta de l’Estau, amás de charrar-tos una mica de capitalismo, ixa parola que pareixe que siga viedada de decir en os medios de comunicación y en a carrera. Nos visitó un convidau que nos charró sobre a I Trobada de Salterio y Chiflo en Lasaosa o venient sabado 25, que chirará arredol d’istos dos instrumentos tradicionals. Tos trahiemos as novedatz d’as luengas d’Aragón y atras luengas minorizadas, diemos a bienplegada a una nueva radio libre, Radio Pirineo en o 102.8 FM de Uesca, y nos visitó Barrenau, que en a suya sección nos charró d’ateísmo recomendando bells libros y autors asinas como vidios arredol d’iste tema. Ta rematar o programa en o que sonó mosica fura y combativa, a canta traducida de Gen, “UAPO”. Nos “viyemos” a semana venient, en Radio

Iste zaguer programa estió adedicau, mas que mas, a la lei de no luengas de Aragón. Faciemos un resumen d’as Chornadas d’as luengas d’Aragón que paró Nogará mientres a semana pasada: Chorche Paniello nos contó lo primer censo lingüistico en Monzón, se presentó lo vocabulario de Fuencalderas con Fernando Romanos, José Arbués y Chusé Raul Usón, se prochectó una cinta subtitolada a l’aragonés, Gartxtot, orichinal en euskera, se aprofitó lo chueves ta charrar de altras luengas minoritarias en o País con convidadas de Bolivia y Senegal, y ta rematar l’amigo de Asturies que teniemos fa tiempo en Fendo Orella, Carlos Pulgar, nos charró d’a situacion de l’asturianu. D’altra man y aproveitando a enchaquia nos visitó, lo nuestro queriu Tio Vadiello, con qui charrremos firme de a lei de no luengas, nos faciemos a rialleta y tornemos a convidar-lo ta mas tadebant, Leyemos un texto de Chorche Romance en o tocant

En o zaguer programa charremos de l’actualidat metendo o punto de gollada en o capitalismo (asedio a o Congreso, desastre de Bangladesh, tiroteu de Roma, manifestación d’o 23 d’abril d’a Coordinadera Sindical Alternativa), amás de comentar-tos a movilización contra o nuevo reglamento de circulación en o que respecta a las bicicletas y o zaguer concierto de Soziedad Alkóholika en Zaragoza. En a sección “O mirallo de papel”, o nuestro comapanyero nos comentó y nos desaconselló o libro “Aragón: su identidad siglo a siglo” que regalaba Heraldo de Aragón, editau por o Gubierno d’Aragón y a on descubriemos un exercicio claro d’adoctrinamiento en o mas puro y rancio espanyolismo rechionalista aragonés. Tamién tos charremos de l’1 de mayo y a suya historia, asinas como recordar o venient socalce de Radio Topo ta l’1 de mayo, una rifa que se ferá en venients calendatas t’o XX cabo d’anyo d’a radio (podetz demandar-nos

Fendo Orella especial 23 d’Abril. Teniemos un programa bien pleno, a rebutir de contenius, de raixosa actualidat de o cabo de semana: charremos de a concentracion contra o faixismo que se fació lo sabado, o libro disident que para a biblioteca Frida Kahlo y as companyeras de A Liedrera de Radio Topo, a mani contra os transchenicos…y prou que si as convocatorias en o tocant a la luenga aragonesa de istos diyas. D’altra man faciemos rebilcar a figura de o chusticia d’Aragón, que estió zabucau un 20 d’aviento de 1591. Recentemos un flumen de falordias y leyendas aragonesas, an que amaneixen diapllerons, bruixas, lacuercos y altros personaches que han pasau de boca en boca en a tradicion aragonesa. A companyera leyó una carta que escribió Carlos Duarte, investigador, a su filla, que heba de marchar difuera ta fer-se o pre, y prebar de continar ta devant concarando-se a la crisi,

Fendo Orella especial 23 d’Abril. Teniemos un programa bien pleno, a rebutir de contenius, de raixosa actualidat de o cabo de semana: charremos de a concentracion contra o faixismo que se fació lo sabado, o libro disident que para a biblioteca Frida Kahlo y as companyeras de A Liedrera de Radio Topo, a mani contra os transchenicos…y prou que si as convocatorias en o tocant a la luenga aragonesa de istos diyas. D’altra man faciemos rebilcar a figura de o chusticia d’Aragón, que estió zabucau un 20 d’aviento de 1591. Recentemos un flumen de falordias y leyendas aragonesas, an que amaneixen diapllerons, bruixas, lacuercos y altros personaches que han pasau de boca en boca en a tradicion aragonesa. A companyera leyó una carta que escribió Carlos Duarte, investigador, a su filla, que heba de marchar difuera ta fer-se o pre, y prebar de continar ta devant concarando-se a la crisi,

Todas hemos sentiu ya a parola “escrache” y alto u baixo sabrianos como definir-la, pero d’an viene ista parola? Qual ye l’orichen suyo? Que historia bi ha dezaga d’ella? Malas que respondiemos a istas qüestions nos embrecamos en dar-le sentiu a ista parola con una mena d’escrache adequada a las limitacions fisicas d’a radio, un escrache mosical! Sinyalamos a politicos, banquers, furtaires, especuladors y asinas-asinas con 10 cantas mosicals dedicadas ta ista chentota. Y ta rematar una canta de despedida traducida a l’aragones… Seguim, seguirem! O venient lunes nos tornamos a trobar en Radio Topo de 22 a 23 h. en o 101.8 FM Zaragoza (u a travies d’o streaming)