Categoría: A hora charrante

    Ola Ola!! Ya ye aquí o podcast d’o programa d’ahiere! O numer 12 ni más ni menos! Teniemos a cutiana noticieta, que tractaba de que un flipao ha construyiu l’auto de Homer Simpson, de seguras que quan l’ascuitetz, sabretz qui ye, ya ye familiar en o nuestro programa! Tamién teniemos una intresantisma entrevista con Lorient, d’a revista Subarbre, una nueva revista aragonesa de cultura y opinión que en breus veyerá a luz. Lorient nos contará un poquer de que tracta y cómo plegón a decidir-se a fer-la. Dimpués d’a entrevista, le faciemos o chuego de “Sí u nueitz”, y pareix estar que ye bien puesto en actualidat!   Salut!

  Ola ola!! Nuevo podcast d’A Hora Charrante (Charrante!). Como por un regular, podretz ascuitar a noticieta, que ista vegada tracta d’o personache iste que engueraba tantismos entibos y que agora l’han sacau o titol de Fallero Mayor. En o dossier tos daremos a conoixer a una colla que se dicen Ojete Calor, reis d’o SubnoPop, seguntes dicen ells. Y, mierques mierquero, en A Hora Charrante, Cintas d’Enguero. Con una nueva cinta, “A Historia Irrematable” a on ascuitaremos un trocet d’a muerte d’Artax, asinas que tos pertocará plorar un poquer, pero no guaire, no tos ne faigatz, que iste ye un programa d’humor pa pasar-lo de bitibomba. Ista vegada, Dj Charrante ha feito orella, y ha ascuitau as vuestras demandas de mosica que tos diciemos por o nuestro Twitter, asinas que si queretz demandar-ne beluna, ya sabetz.   Salut!

Ola ola!! ¡Aquí ye, aquí ye! Ya levamos diez programas, mai mía, y pareixeba ahiere quan escomencipiemos en ista aventura. En iste programa podetz trobar a cutiana noticieta, que a pocas somos estadas de desapareixer d’a radio por o diaple re-encarnau en nino. Nos ha visitau a bisnieta de Arthur Rimbaud en Sopetas de Poetas, que torna t’as ondas pa fer-tos as orellas un poquer más cultas! Un tal Chusebrón nos gritó pa participar en o sorteyo d’o disco de Proyecto Hombre que sorteyemos, y se lo levó ta casa, prou que sí! Un tal Fer-Nando Fer-Nán Fer-Nandez s’ha colau en os estudeos en meyo d’a sección Cintas d’Enguero pa charrar d’a suya cinta, que ye O Show de Trúman. Teniemos una entrevista a dos compas de Nogará, que nos contaron un poquer a historia d’a asociación y as venients actividatz que se ferán dende A.C. Nogará-Religada. Salut!!

Ola ola!! Aquí tenetz o zaguer podcast d’ista colla de barrenadas, que cada diya s’esmelican más y preban de que tos esmeliquetz tamién. En iste programa, podrás trobar a cutiana noticieta, con Mariano y os Ciprianos, que dicen que fan barcos, pero no sabemos muit bien ni cómo, ni quan los fan. Nuestro compa, que no podeba estar-ie con nusatras nos ha gritau pa presentar a suya sección y una nueva canta que grabó de conchunta con as nuestras compas de Nogará.  Tamién nos gritó Chorche, que ganó un cd de Vandalizer y encara nos ne queda un pa sortear en o venient programa! Salut!

Ola ola!! Aquí un nuevo programa d’A Hora Charrante, tos deixamos o podcast d’ahiere para que las que no podetz ascuitar-lo, lo ascuitetz agora mesmo! En iste programa, como por un regular, teniemos a Noticieta, ista vegada, un tal Perico y bells amigos d’ell se feban uns entropans con más sustancia de lo normal… Un compa, que en ye d’alparcero a-saber-lo, nos cuenta o suyo Anecdotón. Se trobó un casette con una choya d’a mosica alparceando en bells calaixos d’una cambra fosquiza d’una famosa cadena de televisión. Y en zaguerías, torna a nuestros estudeos, una sección prou pincha, y i-torna pa quedar-se-ne, Cintas d’Enguero, d’a man de Edu y a suya prima, que encara no sabemos como se diz, pero no tos ne faigatz, que bien luego lo sabremos. Asperamos que tos faiga goi o programa, tanto o más como a nusatras fer-lo! Salut!

Ola ola! Ya ye aquí sieteno programa! En o Dossier ascuitaremos a historia d’os Ganglios, colla somarda que no tos deixará indiferents. A Bruixa Orosia, icono d’a espiritualidat d’os astros, nos visita y prebará de dovinar-nos o fosco futuro que nos aspera! Somos estadas con bells personaches debatindo sobre a Noticieta d’a DGT y nos contarán a suya anviesta sobre o tema. Si hetz ascuitau atros programas, de seguras que conoixetz a nuestras invitadas. Felicitamos o suyo primer cabo d’anyo a las nuestras chirmanas Mullers Y Cordials. Que ya que nos fan grans, encara que siempre lo son estadas! Convidemos a o nuestro mayestro de primer grau, y claro, no podeba estar d’atra traza, le faciemos una chicota encerrona pa que nos contase bellas cosetas y eventos que se ferán estianyo pa fer pacha en ista luenga y socializar-se en aragonés Salut!!

Ola ola!! Ya somos tornadas unatra vegada con as nuestras fateras de siempre! Tos deixamos o podcast para que podatz ascuitar-lo. En iste programa, hemos teniu una güenya de noticieta alparcera, quan la ascuitetz, sabretz por qué. Tamién un dossier que si una compa no lo feba, esclataba sobre a colla “El corazón del sapo“, colla Zaragozana de hardcore que cantaban en aragonés. Tos deixamos una achenda un poquer peculiar, bells eventos que no tos hetz de perder. Y pa rematar, una entrevista a Edu, creyador d’a canal de Youtube Cintas d’Enguero. Un mocet prou maho que nos fació un chuego y tot, sabendo que nusatras no en tenebanos. Salut!

Ola ola! Ya ye aquí l’especial Solsticio d’Hibierno d’A Hora Charrante! Cinqueno programa. Nomás te diremos que bi ha un debate, un discurso especial y a-saber-lo de chorradas, fateras y, prou que sí, risas! Ascuita-lo, pero fe-te alcordanza, no pilles espanto! Salut!

Ola ola!! Aquí ye o quarteno programa d’A Hora Charrante! Hue hemos viachau t’o pasau para conoixer a Charles Baudelaire en a nuestra sección de Sopetas de Poetas, un capín que recito como os ánchels. En as Noticietas Alparceras nos hemos trobau con un mexicano que va a montar una interpresa en Rusia, charraremos con o suyo vocero y con una roya filla de Putin, Conoixemos a un tal Francho Sinatri, italiano que ye vivido toda a vida en Cadrete, hemos ascuitau una canta suya en A vida behind d’os artistas. Y pa rematar, engueramos sección, una uelladeta a todas ixas “figuras” d’arredol de nusatras que unas pasas desapercibidas y unatras no tanto, les femos O Retrato. Hue, os voluntarios d’a Expo. Atra vegada más, asperamos que tos cuaque, y dica o venient!!