Categoría: A hora charrante

Ola ola! Ya somos aquí atra vegada con o zaguer programa! Ahiere teniemos a visita de Silvia y Carlos, Silvia ye a creyadora d’una nueva canal de Youtube que se diz A Escuchetes, una canal an podretz trobar recetas, consellos y muitas cosetas más que tos ferán firme honra, de raso en aragonés, prou que sí! Carlos ye un alumno d’os cursos d’aragonés d’a universidat, organizaus por o sendicato d’estudiants Seira, nos contó un poquer como plegó a conoixer istos cursos y tamién nos contó sobre a suya exposición de cuadros que podretz veyer en A Flama, no deixetz de ir-ie a veyer-la, que tos ferá a saber-lo qué goi! Tamién teniemos a cutiana noticieta, que resulta que un tal Antonio Crematot, pretó fuego a un buzón de Correos porque no le plegaban as cartas ni os paquetz, asinas que decidió que “Si a yo no me’n plegan, a la

  Ola ola!! Primer de tot, sincusatz-nos por no haber puyau antis o programa, pero ye que a nuestras charrantes yeran muit aqueferadas! Pero no tos ne faigatz, que ya ye aquí o programa d’o mierques zaguer. A dos diyas de tener-ne unatro. En iste programa teniemos a cutiana noticieta alparcera, una nueva sesión de Cintas d’Enguero, que con enchaquia d’o día de Sant Chorche, nos trayó o nuestro compa a Brave Heart y a suya scena más famosa. Tamién Laura nos leyó un texto que fació una compa d’a radio y tamién nos contón un poquer o resumen d’as XXIIChornadas d’as luengas d’Aragón organizadas por Nogara. Hala! Tranca a tuya ment, y ascuita o programa! Salut!

Hola hola! Aquí tenetz o programa que s’emitió ahiere en Radio Topo. Programa grabau o 13 d’Abril en directo con enchaquia d’as XXII Chornadas d’as luengas d’Aragón que organiza totz os anyos l’Asociación cultural Nogara-Religada que se celebran dende o 13 d’Abril dica o 21 d’Abril. Pero no i yeranos solencas! Chunto a nusatras yeran as nuestras chirmanas somardas de Mullers Y Cordials que charrón d’o suyo fancine feminista de raso en aragonés y presentón o zaguer numer que han quitau, no numer 7 ya! que si no hetz leyiu encara, no sé que sotz fendo aquí! Ascuitatz-lo, compartitz-lo, fetz lo que tos pete! Salut!

Ola ola!! A semana zaguera faciemos un programa bilingüe de aragonés y anglés. Pero ista semana querebanos deixar bien platero, que Aragón ye trilingüe! Y o nuestro convidau catalanofablant d’ixo en sabe muito! Contemos con a gran presencia de Guindiman, que fa o programa Estrellados, en ista misma casa, Radio Topo. Totz os chueves de 8 a 9 en La Vía Lactea en directo. Un Radio Bar Show que no tos deixará indiferents, risas aseguradas! Antiparti d’ista gran presencia, teniemos como de cutio una Noticieta Alparcera muit mistica, ¿fetz alcordanza d’a cinta Año Mariano? Pues ista vegada ye estada en realidat. Tornó a sección A Verdat Dezaga d’os Artistas an ascuitemos a verdadera historia d’a colla mosical Earth, Wind & Fire, y no la que gosan de vender-nos por os medios publicos, prou que sí, con una grabación orichinal d’ixas envueltas, an se puet ascuitar a o cantaire cantando en

Ola ola!! Hello hello! Ista vegadas somos bilingües! Sí, sí, hemos feito un mezclayo anglés-aragonés prou pincho, aprofitando que tenebanos de convidada a nuestra amiga Elena, que antimás, nos fació un present bien pincho que muit pronto sorteyaremos. En iste programa podrás trobar-te a cutiana noticieta, an que contaremos con Charlie y Chirlo, dos mesaches angleses que rematón de bieras prou luen de an que heban comencipiau a borina. Teniemos un Sopetas de poetas con corresponsal y tot, a nuestra compa nos gritó dende o suyo lugar d’o Baixo Aragón pa trayer-nos os versos d’un paisano. Ya que tenebanos convidada, le faciemos un “de mosica, no entiendo”, que muit agusto nos berreó “September” y a braga de Radio Topo la ganó una radioyentesa clamada Maricarmen, más maha que no as pesetas! Y pa rematar, y aprofitando que i yera una mayestra d’anglés, engueremos nueva sección, “English ta totz”, será millor

Ola ola!! Ya ye aquí o podcast d’ahiere, 16º programa. En ista edición charremos de Mario, un manchego que vinió a os nuestros estudios pa recontar-nos as suyas peripecias en una nueit de borina y punyals. Como tenemos una voz d’ánchel, metiemos a un compa a cantar una canta sin sonido, o resultau, habretz d’ascuitar-lo! Y pa finalizar, Edu nos trayó una nueva Cinta d’Enguero, con Curro Jimenez y l’Anglés, brut! Ascuitatz-lo, compartitz-lo, desfrutatz-lo y no tos espantetz! Salut!

Ola ola!! Zaguer programa d’A Hora Charrante, o numer 15, a nina polida! En iste programa podretz trobar-ie una Noticieta Alparcera, que o nuestro equipo d’investigación ya ye tornau de vacanzas y a escape se metioron a alparcear por os retes, que ye o que más goi les fa. Unatra Cinta d’Enguero, con unas sinyoras un tanto alparceras y un Edu que nos explicará a suya zaguera cinta. Ista vegada, Kill Bill! Y pa rematar o circo, o punky más quiesto d’as ondas libres, nos explicará en o Dossier al doquier, o movimiento Straight Edge. Un poquer de cultura buena pa ilustrar-nos! Tamién, y no por estar o zaguer, ye menos important, querebanos adedicar iste programa a Juan Claudio Cifuentes, Cifu, pa os amigos, locutor de radio que se’n fue iste martes deixando o mundo d’o Jazz un poquer más triste. Que a tierra te siga leve, amigo! Salut!

Ola ola! Ya ye aquí o programa numer 14! En ista edición, tenemos Sopetas de Poetas, que ya feba tiempo que no ascuitabanos poesía! Y a mayor parti d’o tiempo estiemos charrando con Sicarias del Cierzo, o primer equipo aragonés y femenino de roller derby, un esporte no apto pa chent feble, nos cuentan un poquer en qué consiste o roller derby, as suyas peripecias y dimpués les sometemos a o nuestro chuego de “Sí o nueitz?” No tos lo perdatz! Salut!

Ola ola!! Aquí tenetz o zaguer programa en podcast! En iste programa podretz ascuitar un notición d’un rigor periodistico altizo. Y en a sección estrela, Cintas d’Enguero, ascuitaremos a cinta de “8 apellius aragoneses”, que lo ye petando en os retes, y a zaguer cinta de “Batman”. Tamién cal decir-tos, que somos parando un concurso de chistes que se diz “Aragón busca somarda”, asinas que habretz de ninviar-nos os vuestros millors chistacos. Más info en o programa! Salut!