Cudiau con a gruma que baixa d’o volcán, ye a gruma de millons de glarimas
Con istas parolas y una sintonia un poquet rebelde encetemos o programa d’iste pasau chueves, un programa especial expropiacions de tot sino por a entrevista a Josep Nadal, cantaire de La Gossa Sorda.
L’actualidat d’ista semana pasaba por as expropiacions en Borobia, Artieda y dilla d’as nuestras buegas, en Somontes. Expropiacions do os vecins d’istos lugars s’han concarau en esfensa d’a tierra. Unatra mena d’expropiacion ye a de Repsol-YPF en Archentina, que ha devantau meyaticament una boira d’espanyolismo en esfensa d’una interpresa privada.
Entrevista a Josep Nadal, cantaire d’a colla La Gossa Sorda, que nos visita o viernes venient en un concierto organizau por l’Asociacion Cultural Nogara adintro d’as suyas Chornadas d’as Luengas d’Aragon. Hebanos ascuitau a-saber-lo vegadas ista colla en o nuestro programa y nos facio muito goi poder charrar con o suyo cantaire, y prou que si, poder viyer-los en a nuestra ciudat: Saragossa Sorda!
En convocatorias leyemos a cronica d’a pasada Marcha t’a Macrogarchola y o programa d’actividatz t’a semana venient en as XIX Chornadas d’as Luengas d’Aragon.
Nos despidiemos con a canta Vagant sense memòria d’a colla Eina, traducida a l’aragones, y un reyal y sentiu si hemos feito bella cosa mal en o programa, lo sentimos, no tornaremos a fer-lo!
Podcast: Reproducir en una nueva ventana | Descargar
Suscríbete: RSS
