Con as zaguers parolas d’o chubilau griego Dimitris Christoulas prencipiemos iste Fendo Orella d’o 12 d’abril de 2012.
Tristas parolas de despedida antes de no foter-se un tiro en o pulso en a plaza Syntagma d’Atenas, tristas parolas ta prencipiar un programa en o bell meyo d’una trista realidat de retalles socials, economicos y de libertatz; d’una enrestida represiva y d’a criminalizacion d’a protesta social. Femos repaso a toda ista actualidat, femos memoria de Dimitris Christoulas, de Guillem Agulló y d’Iñigo Cabacas, istos dos zaguers muertos por un nazi y por a Ertzaintza respectivament.
Fa ya 20 anyos que naixio en Aragon a primer organizacion chovenil independentista. Teniemos un convidau de Purna, organizacion que reculle iste herencio y ha organizau una ripa d’actividatz ta celebrar iste cabo d’anyo, ta charrar-nos-ne.
En haber preso fuerzas dimpues d’haber feito fuina o zaguer programa, rematamos con as convocatorias ta istos dias. D’as muitas que bi’n ha, leyemos o comunicau d’a XI Marcha t’a Macrogarchola de Zuera.
En o trestallo mosical, mosiqueta de qualques estilos: Kop, Fat Fish, Aspencat y a canta traducida ista vegada ye d’Habeas Corpus.
Podcast: Reproducir en una nueva ventana | Descargar
Suscríbete: RSS
