Con unas parolas de Bertolt Brecht encetemos iste segundo programa de mayo.
Encara que tenebanos prous noticias paradas, como diciemos en o sumario, a la fin no nos vago que de leyer-ne dos. La una sobre o succesos d’o desaloixo ilegal d’a Universitat Lliure La Rimaia en Barcelona y l’atra, a manifestacion mundial d’o sabado 12M. Remerar que Radio Topo 101.8 FM fera un seguimiento de tot o que pase en a nuestra ciudat ixe dia dende as 15.00 horas.
A resta d’o programa nos lo fotiemos de charradeta. Con un vinilo de Los Granadians baixo o brazo apareixio Diego de l’Asociacion Black & White en o programa ta presentar-nos-lo, ascuitar-lo y convidar-nos a concierto que feran iste cabo de semana chunto a The Magnetophones.
Pero sin garra dubda o plato fuerte d’o programa estio a trucada telefonica a Francesc Ribera, concellero d’as CUP en o Concello Berga, responsable d’a mocion que se i presento y declaraba Persona Non Grata a Juan Carlos I de Borbón Rey de España en dita localidat. En una improvisada y democratica votacion nos adhibiemos a ista mocion y lo nombremos tamien Oyent Non Grato d’o nuestro programa.
Sonon en o programa esferents estilos. Aamas de Los Granadians ascuitemos a Os Resentidos, Balkan Beat Box y Visión Túnel. Nos despidiemos con as convocatorias y a canta Punk rock song de Bad Religion traducida a l’aragones.
Podcast: Reproducir en una nueva ventana | Descargar
Suscríbete: RSS
