A tamas d’os problemas tecnicos d’a emision, nusatros nos encerrinemos en emitir, y emitiemos…
Programa d’o chueves 8 de marzo de 2012, y encara que totz os dias han d’estar 8 de marzo, aproveitemos a enchaquia ta pintar o programa bell poquet mas de morau con a visita d’una persona d’o colectivo A Clau Roya, que nos facio un breu balance d’o Febrero Feminista d’iste anyo y nos convido a ir t’a manifestacion en o Bloque Critico Antipatriarcal.
Continando con o tema en qüestion, leyemos un texto de Maria Martin Barranco que argumenta a importancia de fer servir un luengache no sexista. Tot charrando de muller y luenga femos alcordanza de Nieus Luzia Dueso Lascorz, a primer escritora moderna en aragones que nos deixo fa ya 2 anyos por istas calendatas.
Dilla d’o 8 de marzo teniemos una noticieta remerando os succesos de Vitoria d’o 3 de marzo 1976 y unatra sobre l’anvista meyatica d’a violencia.
Tocant a la mosica, presentemos o nuevo treballo de Zebda en a suya tornada t’os scenarios, clamau Second Tour, y nos despidiemos con una canta traducida de Patti Smith.
Podcast: Reproducir en una nueva ventana | Descargar
Suscríbete: RSS
